Ч.Мэндсайханыг Баянзүрх дүүргийн АН-ын даргын үүрэг гүйцэтгэгчээр томиллоо
    2018 оны 04 сарын 20 нд
    6ad8aaf42b529f88673375715a2c0232.jpeg

    Ардчилсан намын Үндсэн дүрмийн хорооны гуравдугаар сарын 23-ны өдрийн 03 тоот тогтоол, Ардчилсан намын  даргын 2018 оны гуравдугаар сарын 26-ны өдрийн А/20 тоот тушаалаар Баянзүрх дүүргийн Ардчилсан намын хорооны дэд дарга Т.Батцогтод хариуцлага тооцож, намын даргын үүрэг гүйцэтгэгч болон, бүх шатны сонгуульт албан тушаалаас огцруулсан.
    Түүнчлэн Ардчилсан намын дарга С.Эрдэнэ Үндсэн дүрмийн тавдугаар бүлгийн 5.17.5.1-д зааснаар дүүргийн намын дарга нарт хамаарах дүрмийн зөрчлийг арилгах, арилгуулах үүргийн дагуу Баянзүрх дүүргийн намын хорооны дэд даргаар Чимид-Очирын Мэндсайханыг томилуулах санал хүргүүлсэн билээ. 
    Тиймээс Үндсэн дүрмийн тавдугаар бүлгийн 5.10.11.1-д заасны дагуу дүүргийн намын хороо хуралдаж, гишүүдийн олонхийн саналаар тус намын хорооны дэд дарга Ч.Мэндсайханыг  АН-ын Баянзүрх дүүргийн хорооны даргын үүрэг гүйцэтгэгчээр сонголоо.